ATLAS Vario (Væntanlegt)

• Kraftmikill og hljóðlátur Brose- S Mag miðjumótor með mjög mikinn togkraft 90 Nm.
• QWIC hugbúnaður – með kraft og þægindi að leiðarljósi.
• Nettur LCD Bluetooth skjár með USB tengi, sem hægt að tengja við farsíma og QWIC appi; 4 þrepa kraftstillir, hraðamælir, rafhlöðumælir o.fl. Gönguhnappur þar sem mótor aðstoðar þegar hjólið er teymt.
• Stiglaus Enviolo viðhaldsfrír gír, innbyggður í afturhjóli með 380% gírhlutfall – engin utanáliggjandi tannhjól.
• CTX drif reim. Reim  í stað keðju, sem gerir hjólið léttara, þýðara og hljóðlátara. Líftími reimarinnar er margföld á við keðju eða allt að 25.000 km.
• Magura MT5e glussa diskabremsur að framan og aftan.
• Framdempari– stillanlegur.
• Sætisdempari – stillanlegur.
• LED ljós að framan og aftan. Mjög sterkt framljós 155 Lux + Q dagljós.
• MIK bögglaberi. Byltingarkendur bögglaberi með hraðtengi fyrir ýmsar gerðir af körfum og töskum, barnastól og þrefaldri teygju fyrir vörur.
• Stöðugur standari, bjalla o.fl.
• Dekk: Schwalbe Hurricane 62-584 (27,5“).
• Hjólastærð: 27,5 tommur.
• Þyngd: 26 kg (án rafhlöðu).
• Litur: Ljósblár (og Grátt?).
• Stærðir: Unisex  M, L , XL.

   Aukahlutir:

• Frambögglaberi ásamt pumpu.
• Flöskuhaldari.
• Hleðslustöð og vaktari, sem fullhleður tóma rafhlöðu á 3 klst. Hægt er að “parkera” rafhlöðunni í marga mánuði í hleðslustöðinni og stöðin passar upp á að rafhlaðan sé alltaf í kjör-hleðslustöðu 70%. Hleðslustöðin fékk 1. verðlaun fyrir hönnun og notagildi.

Ábyrgð:
–  Hjólastell 5
–  Rafbúnaður 2 ár
–  Gaffall, dempari 1 ár

QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUS, sem eru útbúnar nýjustu BMS tækni (Battery Management System) – sama tækni og bílaiðnaðurinn notar.

RAFHLAÐAN – hvað þarf ég að vita?

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út að rýrnunin sé allt að 15% á ári. Ef rafhlaðan fær rétta meðhöndlun frá upphafi, verður rýrnunin minni. Ábyrgðartími rafhlöðunnar er 2 ár, að því gefnu að hún sé rétt meðhöndluð.

Rafhlaðan er dýrasti og viðkvæmasti hluturinn á rafmagnshjólinu, þess vegna er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

• Kjörhitastig Litíum-ion rafhlaðna er 25°C.
• Það er afar brýnt að tæma nánast alla hleðsluna út af nýrri rafhlöðu í fyrstu 10 skiptin (helst alveg). Eftir það hefur rafhlaðan náð fullri afkastagetu. Ef þetta er ekki gert, er hætta á að rafhlaðan nái aldrei fullri afkastagetu. Eftir þessi 10 skipti, skal ekki hlaða rafhlöðuna of ört – helst ekki fyrr en hún er undir 50%. Annan til þriðja hvern mánuð er æskilegt að tæma rafhlöðuna (eða því sem næst 15-20%).
• Þegar rafhlöðunni er stungið í hleðslu, þarf hitastigið í sjálfri rafhlöðunni, vera a.m.k. 10°C. Best ef hitastigið er sem næst stofuhita, því þá er það næst kjörhitastiginu sem er 25°C.
• Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
• Rafhlaða sem á að standa ónotuð í nokkra mánuði, geymist best við 60 – 70% hleðslu. Best er að aftengja rafhlöðuna frá hjólinu. Stingið svo rafhlöðunni í hleðslu einu sinni í mánuði í u.þ.b. 20 – 30 mínútur, eða þar til kjörgeymslustöðu 60 – 70% er náð. (Betra er að fullhlaða en að hlaða ekki neitt). Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
• Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.

Hversu langt er hægt að hjóla á fullri rafhlöðu?

Ýmsir utanaðkomandi þættir skipta máli m.a.:

• Uppgefnar drægnistölur frá framleiðanda miðast við kjöraðstæður sem er: malbikaður og sléttur vegur, gíraval, veðurfar, 70 kg hjólreiðamaður og ekkert hlass; 22 – 25°C hitastig, stöðugur 20 km hraði, enginn mótvindur og aldrei stoppað.
• Í kulda er drægnin styttri. Við 0°C allt að 30% og við -10°C allt að 50% (hámarks viðmiðunar tölur). Ávallt skal taka vindkælingu með í útreikninginn (- 2°C lofthiti og 6 m/sek., er á við – 9°C)
• Hvaða þrep er kraftstillirinn stilltur á?
• QWIC hjól með Bafang mótor, er oftast nóg að hjóla á krafti 1– 3 á jafnsléttu– en í brekkum á krafti  4 og 5.
• Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
• Æskilegast er að geyma hjólið inni þegar það er ekki í notkun.
• Forðist öll högg á dekk og felgur, þegar hjólað er upp á eða fram af gangstéttabrún (sem skal helst forðast). Ef höggið er mikið er alltaf hætta á að teinn brotni eða slanga springi.
• Reglulegt viðhald og þrif er mjög mikilvægt.

Annað sem gott er að vita

• Við flutning verður alltaf að taka rafhlöðuna úr hjólinu.
• Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
• Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
• Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn í sundur með slípirokki o.s.fr.