Compact MN7 – Samanbrjótanlegt

409,000 kr.

Brjóttu hjólið saman og taktu með í fríið. Compact MN7 er nett og skemmtilegt hjól, hlaðið öllum þeim þægindum sem góðu rafmagnshjóli ber.

Available on backorder

Categories: ,

Description

Brjóttu hjólið saman og taktu með í fríið.

Compact MN7 er nett og skemmtilegt hjól, hlaðið öllum þeim þægindum sem góðu rafmagnshjóli ber. Hjólið hefur fengið mikið lof að vera einstaklega sterkbyggt – sem er ekki alltaf sjálfgefið með samanbrjótanleg hjól.

Kraftmikill og hljóðlátur Bafang miðjumótor með QWIC hugbúnaði og mikinn togkraft 80 Nm.

7 innbyggðir gírar, ljósanemi sem kveikir sjálfkrafa á ljósum er rökkva tekur, LED fram og afturljós, Magura HS11 glussabremsur o.m.fl.

375 Wh, Smart Litíum-ion rafhlaða (staðalstærð). Rafhlaðan er útbúin nýjustu BMS tækni (Battery Management System) – sama tækni sem bílaiðnaðurinn notar. Sami lykill gengur að lás á hjóli og rafhlöðu. (Stærri rafhlaða í boði)

Nú eru brekkurnar ekkert mál – bara gaman!

Stærð rafhlöðuDrægniVerð á hjóli
375 Wh50 - 120 km409.000 kr.
490 Wh60 -145 km449.000 kr.

 

  • Kraftmikill 250 W / 36V Bafang miðjumótor með mikinn togkraft 80 Nm.
  • QWIC hugbúnaður – með kraft og þægindi að leiðarljósi.
  • Einfaldur og notendavænn skjár á stýri með: 5 þrepa kraftstilli, hraðamæli, rafhlöðumæli o.fl. Gönguhnappur þar sem mótor aðstoðar þegar hjólið er teymt.
  • Hleðslutími: 3 – 8 klst.
  • 7 gíra viðhaldsfrír Shimano Nexus gírskiptir, innbyggður í afturhjóli (engin utanáliggjandi tannhjól).
  • Magura HS11 fram og aftur glussabremsur.
  • Framdempari: Suntour.
  • LED ljós að framan og aftan með rofa í skjá. Framljós 30 LUX.
  • Ljósanemi (stillanlegur) sem kveikir á ljósunum sjálfkrafa er rökkva tekur.
  • Bögglaberi með þrefaldri teygju fyrir vörur.
  • Lás: AXA Defender– sami lykill gengur að rafhlöðu.
  • Leðurhandföng.
  • Stöðugur standari, bjalla o.fl.
  • Dekk:  CST (C 1381).
  • Hjólastærð: 20 tommur (52 – 406).
  • Þyngd: 24,2 kg (án rafhlöðu).
  • Litur: Svart.

Ábyrgð:

–  Hjólastell 5

–  Rafbúnaður 2 ár

–  Gaffall, dempari 1 ár

QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUSsem eru útbúnar nýjustu BMS tækni (Battery Management System) – sama tækni og bílaiðnaðurinn notar.

 

RAFHLAÐAN – hvað þarf ég að vita?

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út að rýrnunin sé allt að 15% á ári. Ef rafhlaðan fær rétta meðhöndlun frá upphafi, verður rýrnunin minni. Ábyrgðartími rafhlöðunnar er 2 ár, að því gefnu að hún sé rétt meðhöndluð.

Rafhlaðan er dýrasti og viðkvæmasti hlutinn á rafmagnshjólinu, því er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

  • Kjörhitastig Litíum-ion rafhlaðna er 25°C.
  • Það er afar brýnt að tæma nánast alla hleðsluna út af nýrri rafhlöðu í fyrstu 10 skiptin (helst alveg). Eftir það hefur rafhlaðan náð fullri afkastagetu. Ef þetta er ekki gert, er hætta á að rafhlaðan ná aldrei fullri afkastagetu. Eftir þessi 10 skipti, skal ekki hlaða rafhlöðuna of ört – helst ekki fyrr en hún er undir 50%. Annan til þriðja hvern mánuð er æskilegt að tæma rafhlöðuna (eða því sem næst 15-20%).
  • Þegar rafhlöðunni er stungið í hleðslu, þarf hitastigið í sjálfri rafhlöðunni, vera a.m.k. 10°C. Best ef hitastigið er sem næst stofuhita, því þá er það næst kjörhitastiginu sem er 25°C.
  • Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
  • Rafhlaða sem á að standa ónotuð í nokkra mánuði, geymist best við 60 – 70% hleðslu. Best er að aftengja rafhlöðuna frá hjólinu. Stingið svo rafhlöðunni í hleðslu einu sinni í mánuði í u.þ.b. 20 – 30 mínútur, eða þar til kjörgeymslustöðu 60 – 70% er náð. (Betra er að fullhlaða en að hlaða ekki neytt). Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
  • Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.

 

Hversu langt er hægt að hjóla á fullri rafhlöðu?

Ýmsir utanaðkomandi þættir skipta máli m.a.:

  • Uppgefnar drægnistölur frá framleiðanda miðast við kjöraðstæður sem er: malbikaður og sléttur vegur, gíraval, veðurfar, 70 kg hjólreiðamaður og ekkert hlass; 22 – 25°C hitastig, stöðugur 20 km hraði, enginn mótvindur og aldrei stoppað.
  • Í kulda er drægnin styttri. Við 0°C allt að 30% og við -10°C allt að 50% (hámarks viðmiðunar tölur). Ávallt skal taka vindkælingu með í útreikninginn ( 2°C lofthiti og 6 m/sek., er á við       9°C )
  • Hversu mikinn kraft er sett á mótorinn. Á Bafang mótornum á QWIC hjólunum er oftast nóg að hjóla á jafnsléttu á krafti 1– 3  – en í brekkum á krafti  4 og 5.
  • Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
  • Æskilegast er að geyma hjólið inni þegar það er ekki í notkun.
  • Forðist öll högg á dekkin s.s. þegar hjólað er upp á eða fram af gangstéttabrún (sem skal helst forðast) Ef höggið er mikið er alltaf hætta á að teinn brotni eða slanga springi.
  • Reglulegt viðhald og þrif er mjög mikilvægt.

 

Annað sem gott er að vita.

  • Við flutning verður alltaf að taka rafhlöðuna úr hjólinu.
  • Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
  • Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
  • Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn í sundur með slípirokki o.s.fr.