Performance MD11

619,000 kr.

(Sérpöntun. Afgreiðslufrestur 3 – 6 vikur)    

Ekki til á lager

Categories: ,

Description

Performance línan eru sporthjólin frá QWIC. Þau bera með sér ferskan blæ og eru „smart og kúl.“

Flott hönnun og vandað handverk, handslípaðar og fínpússaðar suður og einungis hágæða íhlutir.

Stell stærðir: „Diamond“  M, L    „Trapez“  M

Performance hjólin eru með “Downtube” Smart Litíum-ion rafhlöðu með nýjustu BMS tækni –  sama tækni og bílaiðnaðurinn notar. Staðalstærð er 525 Wh – hægt er að velja 735 Wh.

Kraftmiklir mótorar: Miðjumótor frá BROSE eða TDCM  mótor í afturhjóli.

Nú er brekkurnar ekkert mál – bara gaman!

Performance rafhlöður

Stærð rafhlöðuDrægniViðbótarverð
525 Wh45 - 100 km0 kr.
735 Wh60 - 165 km62.000 kr.

Hafið samband við verslun:

Sími: 534-6600

E-mail: rafmagnshjol@rafmagnshjol.is

QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUS, sem eru útbúnar nýjustu BMS tækni (Battery Management System) – sama tækni og bílaiðnaðurinn notar.

 

Hvað dugar rafhlaðan lengi og hvað þarf ég að vita?

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út, að rafhlaðan geti rýrnað allt að 15% á ári. Ef rafhlaðan fær góða meðhöndlun frá upphafi, verður rýrnunin minni. Ábyrgðartími rafhlöðunnar er 2 ár, að því gefnu að hún sé rétt meðhöndluð.

 

Rafhlaðan er dýrasti hlutinn á rafmagnshjólinu, því er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

  • Kjörhitastig Litíum-ion rafhlaðna er 25°C.
  • Þegar rafhlöðunni er stungið í hleðslu, þarf hitastigið í sjálfri rafhlöðunni, vera a.m.k. 10°C. Best ef hitastigið er sem næst stofuhita.
  • Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
  • Ef hjólið stendur ónotað í nokkra mánuði, er best að aftengja rafhlöðuna frá hjólinu. Svo verður að stinga rafhlöðunni í hleðslu einu sinni í mánuði, yfir nótt. Burtséð þó rafhlöðumælirinn á hjólinu sýnir að rafhlaðan sé full. Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
  • Ekki er gott að hlaða rafhlöðuna of ört, helst ekki fyrr en hún er undir 50%. Gott er að láta hana fara enn neðar öðru hverju, í 15 – 30%.
  • Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.

 

Hversu langt er hægt að hjóla á fullri rafhlöðu?

Ýmsir utanaðkomandi þættir skipta máli m.a.:

  • Uppgefnar drægnistölur frá framleiðanda, miðast við kjöraðstæður sem er: 70 kg hjólreiðamaður, 25°C hitastig, stöðugur 20 km hraði á jafnsléttu og enginn mótvindur.
  • Í kulda er drægnin styttri. Við 0°C allt að 30%  og við mínus 10°C allt að 50% (hámarks viðmiðunar tölur).
  • Þyngd hjólreiðamannsins og hlass.
  • Hversu mikið álag er sett á mótorinn. (Á Bafang mótornum er oftast nóg að hjóla á jafnsléttu á krafti 13  – en í brekkum á krafti  4 og 5).
  • Veðurfar: vindur, hitastig, regn o.s.frv.
  • Gíra val, aksturslag og stöðugur hraði.
  • Gæði vegarins.
  • Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
  • Æskilegast er að geyma hjólið inni þegar það er ekki í notkun.
  • Reglulegt viðhald og þrif er mjög mikilvægt.

 

Er hægt að hjóla með tóma rafhlöðu?

Já, það er hægt eins og á venjulegu hjóli. Miðjumótor hefur örlítið viðnám, en fram- og afturmótor frá QWIC, nánast ekkert.

 

Annað sem gott er að vita.

  • Við flutning verður alltaf að taka rafhlöðuna úr hjólinu.
  • Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
  • Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
  • Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn með slípirokki.

Frá og með 30. september breytist opnunartíminn í
“Haust- og vetraropnunartími”

Mánudagar:       LOKAÐ
Þri. – Fim.:      13:00 – 18:00
Föstudagar:    13:00 – 17:00