Premium MN7D+

409,000 kr.

UPPSELT!  Premium MN7D+  er hjól í Premium verðlaunalínunni. Það er arftaki MN7 og MN8 sem hafa verið söluhæstu hjólin hjá QWIC og reynst frábærlega vel við íslenskar aðstæður. Meira.

Categories: ,

Description

UPPSELT!

Premium MN7D+  er einnig verðlaunahjól úr Premium línunni. En þau hafa verið söluhæstu hjólin hjá QWIC og reynst mjög vel við íslenskar aðstæður.

Vandað handverk m.a. tvöfaldar suður.

Kröftugur og hljóðlátur Bafang M200 miðjumótor með 65 Nm togkraftur og QWIC hugbúnað.

LCD litaskjár með USB tengi til að hlaða síma o.fl.

Viðhaldslítið og notendavænt hjól:  7 innbyggðir gírar, glussa diskabremsur, lokuð keðjuhlíf, ál -aurhlífar, gott sæti með stillanlegum dempara, stillanlegur framdempari, stillanlegt stýri, ljósanemi sem kveikir sjálfkrafa á ljósum er rökkva tekur, LED framljós og afturljós o.m.fl.

417 Wh rafhlaða. Við á kaup á hjólinu er hægt að velja um stærri rafhlöðu: 625 Wh eða 756 Wh.

 Nú eru brekkurnar ekkert mál – bara gaman!

Premium MN7D+

Stærð rafhlöðuDrægniVerð á hjóli
417 Wh55 - 140 km409.000 kr.
625 Wh90 - 210 km463.000 kr.
756 Wh100 - 230 km481.000 kr.
  • Kröftugur og hljóðlátur 250 W/36V Bafang M200 miðjumótor. 65 Nm togkraftur.
  • QWIC hugbúnaður – með kraft og þægindi að leiðarljósi.
  • 417 Wh rafhlaða. Við á kaup á hjólinu er hægt að velja um stærri rafhlöðu: 625 Wh eða 756 Wh.
  • Einfaldur og notendavænn litaskjár með: 5 þrepa kraftstilli, hraðamæli, rafhlöðumæli, kcal mæli, gönguhnapp sem aðstoðar þegar hjólið er teymt o.fl.
  • Litaskjár með USB tengi fyrir að hlaða síma o.fl..
  • Hleðslutæki 4A.
  • 7 gíra viðhaldsfrír Shimano Nexus gírskiptir, innbyggður í afturhjóli (engin utanáliggjandi tannhjól).
  • Bremsur: Shimano MT 200 eða NUTT glussa diskabremsur að framan og aftan.
  • Framdempari – stillanlegur.
  • Sætisdempari – stillanlegur.
  • Stillanlegt stýri.
  • LED ljós að framan og aftan með rofa í skjá. Framljós 30 LUX.
  • Ljósanemi (stillanlegur) sem kveikir á ljósunum sjálfkrafa er rökkva tekur.
  • MIK bögglaberi sem er byltingarkend hönnun. Með einu klikki er hægt að festa á bögglaberann, ýmsar gerðir af körfum, töskum og barnastól. Einnig fylgir þreföld teygja fyrir vörur.
  • Lokuð keðjuhlíf sem hlífir keðjunni fyrir mestu óhreinindum.
  • Lás: AXA Defender– sami lykill gengur að rafhlöðu.
  • Stöðugur standari, bjalla o.fl.
  • Dekk: Schwalbe Road Cruiser
  • Hjólastærð: 28 tommur.
  • Þyngd: 24.6 kg (án rafhlöðu).
  • Litur: Kakí-grænt, Blátt og Sand-hvítt.
  • Stærðir: Konuhjól:  S, M, L, XL  –  Karlahjól  L, XL
  • AUKAHLUTUR:  100 cm lásakeðja sem tengist beint við lásinn, svo hægt sé að tjóðra hjólið t.d. við ljósastaur.

Ábyrgð:
–  Hjólastell 5
–  Rafbúnaður 2 ár
–  Gaffall, dempari 1 ár

 

Rafhlaða

Rafhlaðan er dýrasti og viðkvæmasti hluturinn á rafmagnshjólinu, þess vegna er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út að rýrnunin sé allt að 15% á ári. Ef rafhlaðan fær rétta meðhöndlun frá upphafi, verður rýrnunin minni. Ábyrgðartími rafhlöðunnar er 2 ár (Mira Tour 5 ár) að því gefnu að hún sé rétt meðhöndluð.

  • Kjörhitastig Litíum-ion rafhlaðna er 25°C.
  • Það er afar brýnt að tæma nánast alla hleðsluna út af nýrri rafhlöðu í fyrstu 10 skiptin (helst alveg). Eftir það hefur rafhlaðan náð fullri afkastagetu. Ef þetta er ekki gert, er hætta á að rafhlaðan nái aldrei fullri afkastagetu. Eftir þessi 10 skipti, skal ekki hlaða rafhlöðuna of ört – helst ekki fyrr en hún er undir 50%. Annan til þriðja hvern mánuð er æskilegt að fara með hleðsluna nokkuð neðarlega 20 – 15%.
  • Þegar rafhlöðunni er stungið í hleðslu, þarf hitastigið í sjálfri rafhlöðunni, vera a.m.k. 10°C. Best ef hitastigið er sem næst stofuhita, því þá er það næst kjörhitastiginu sem er 25°C.
  • Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
  • Rafhlaða sem á að standa ónotuð í nokkra mánuði, geymist best við 60 – 70% hleðslu. Ráðlegt er að aftengja rafhlöðuna frá hjólinu. Stingið svo rafhlöðunni í hleðslu einu sinni í mánuði í u.þ.b. 20 – 30 mínútur, eða þar til kjörgeymslustöðu 60 – 70% er náð. (Betra er að fullhlaða en að hlaða ekki neitt). Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
  • Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.
  • QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUSsem eru útbúnar nýjustu BMS tækni (Battery Management System) – sama tækni og bílaiðnaðurinn notar.

Drægni rafhlöðu og almennt viðhald

Ýmsir utanaðkomandi þættir skipta máli m.a.:

  • Uppgefnar drægnistölur frá framleiðanda miðast við kjöraðstæður sem er: malbikaður og sléttur vegur, gíraval, veðurfar, 75 kg hjólreiðamaður og ekkert hlass; 22 – 25°C hitastig, stöðugur 20 km hraði, enginn mótvindur og aldrei stoppað.
  • Í kulda er drægnin styttri. Við 0°C allt að 30% og við -10°C allt að 50% (hámarks viðmiðunar tölur). Ávallt skal taka vindkælingu með í útreikninginn (- 2°C lofthiti og 6 m/sek., er á við – 9°C)
  • Hvaða þrep er kraftstillirinn stilltur á 1 -5.
  • QWIC hjól með Bafang mótor, er oftast nóg að hjóla á krafti 1– 3 á jafnsléttu– en í brekkum á krafti  4 og 5.
  • Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
  • Æskilegast er að geyma hjólið inni þegar það er ekki í notkun.
  • Forðist öll högg á dekk og felgur, þegar hjólað er upp á eða fram af gangstéttabrún (sem skal helst forðast). Ef höggið er mikið er alltaf hætta á að teinn brotni eða slanga springi.
  • Best er að þrífa hjólið með rakri tusku og sápulegi. Vatnsþrýstingur er stranglega bannaður við þrif á mótor, rafbúnaði og gírnafi.
  • Reglulegt viðhald og þrif er mjög mikilvægt.

 

Annað sem gott er að vita

  • Við flutning á alltaf að taka rafhlöðuna úr hjólinu.
  • Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
  • Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
  • Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn í sundur með slípirokki o.s.fr.