Mira Tour

• Kraftmikill og hljóðlátur Bafang M420 miðjumótor með mikinn togkraft 80 Nm.
• QWIC hugbúnaður – með kraft og þægindi að leiðarljósi.
• Skýr og notendavænn LED litaskjár á stýri með: 5 þrepa kraftstilli, hraðamæli, rafhlöðumæli o.fl. Gönguhnappur þar sem mótor aðstoðar þegar hjólið er teymt.
• 7 gíra viðhaldsfrír Shimano Nexus gírskiptir, innbyggður í afturhjóli (engin utanáliggjandi tannhjól).
• Reim drif:  CTX reim. Reim í stað  keðju, sem gerir hjólið léttara, þýðara og hljóðlátara. Líftími reimarinnar er margföld á við keðju eða allt að 30.000 km.
• Bremsur: Shimano MT200 glussa diskabremsur að framan og aftan.
• Framdempari– stillanlegur.
• Sætisdempari – stillanlegur.
• Stillanlegt stýri.
• LED ljós að framan og aftan með rofa í skjá. Framljós 35 Lux. + Q-dagljós
• Ljósanemi (stillanlegur) sem kveikir sjálfkrafa á ljósunum er rökkva tekur.
• MIK-HD bögglaberi sem er byltingarkennd hönnun. Með einu klikki er hægt að festa á bögglaberann, ýmsar gerðir af körfum, töskum og barnastól. Einnig fylgir þreföld teygja fyrir vörur.
• Lás: ABUS Shield – sami lykill gengur að rafhlöðu.
• Stöðugur standari, bjalla o.fl.
• Dekk: Schwalbe – Big Ben 50-622
• Hjólastærð: 28 tommur.
• Þyngd: 27 kg (án rafhlöðu).
• Litur: Brúnt (Desert Copper) og Grátt
• Stærðir: Unisex: M, L, XL
• AUKAHLUTUR:  Hleðslustöð sem hleður rafhlöðuna á u.þ.b. þremur klst. – eða vaktar og viðheldur hleðslunni á rafhlöðunni í u.þ.b. 70%, þegar hún stendur ónotuð í langan tíma. Hleðslustöðin hlaut hin virtu alþjóðlegu iF hönnunarverðlaun.
• AUKAHLUTUR:  GPS þjófavörn. (Með fyrirvara um áskrift á Íslandi).
• AUKAHLUTUR:  100 cm lásakeðja sem tengist beint við lásinn, svo hægt sé að tjóðra hjólið t.d. við ljósastaur

Ábyrgð:

• Rafhlaða 5 ár
• Hjólastell  5 ár
• Rafbúnaður 2 ár
• Gaffall, dempari 1 ár

Rafhlaða

Rafhlaðan er dýrasti og viðkvæmasti hluturinn á rafmagnshjólinu, þess vegna er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út að rýrnunin sé allt að 15% á ári. Ef rafhlaðan fær rétta meðhöndlun frá upphafi, verður rýrnunin minni. Ábyrgðartími rafhlöðunnar er 2 ár (Mira Tour 5 ár) að því gefnu að hún sé rétt meðhöndluð.

• Kjörhitastig Litíum-ion rafhlaðna er 25°C.
• Það er afar brýnt að tæma nánast alla hleðsluna út af nýrri rafhlöðu í fyrstu 10 skiptin (helst alveg). Eftir það hefur rafhlaðan náð fullri afkastagetu. Ef þetta er ekki gert, er hætta á að rafhlaðan nái aldrei fullri afkastagetu. Eftir þessi 10 skipti, skal ekki hlaða rafhlöðuna of ört – helst ekki fyrr en hún er undir 50%. Annan til þriðja hvern mánuð er æskilegt að fara með hleðsluna nokkuð neðarlega 20 – 15%.
• Þegar rafhlöðunni er stungið í hleðslu, þarf hitastigið í sjálfri rafhlöðunni, vera a.m.k. 10°C. Best ef hitastigið er sem næst stofuhita, því þá er það næst kjörhitastiginu sem er 25°C.
• Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
• Rafhlaða sem á að standa ónotuð í nokkra mánuði, geymist best við 60 – 70% hleðslu. Ráðlegt er að aftengja rafhlöðuna frá hjólinu. Stingið svo rafhlöðunni í hleðslu einu sinni í mánuði í u.þ.b. 20 – 30 mínútur, eða þar til kjörgeymslustöðu 60 – 70% er náð. (Betra er að fullhlaða en að hlaða ekki neitt). Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
• Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.
• QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUS, sem eru útbúnar nýjustu BMS tækni (Battery Management System) – sama tækni og bílaiðnaðurinn notar.

Drægni rafhlöðu og almennt viðhald

Ýmsir utanaðkomandi þættir skipta máli m.a.:

• Uppgefnar drægnistölur frá framleiðanda miðast við kjöraðstæður sem er: malbikaður og sléttur vegur, gíraval, veðurfar, 75 kg hjólreiðamaður og ekkert hlass; 22 – 25°C hitastig, stöðugur 20 km hraði, enginn mótvindur og aldrei stoppað.
• Í kulda er drægnin styttri. Við 0°C allt að 30% og við -10°C allt að 50% (hámarks viðmiðunar tölur). Ávallt skal taka vindkælingu með í útreikninginn (- 2°C lofthiti og 6 m/sek., er á við – 9°C)
• Hvaða þrep er kraftstillirinn stilltur á 1 -5.
• QWIC hjól með Bafang mótor, er oftast nóg að hjóla á krafti 1– 3 á jafnsléttu– en í brekkum á krafti  4 og 5.
• Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
• Æskilegast er að geyma hjólið inni þegar það er ekki í notkun.
• Forðist öll högg á dekk og felgur, þegar hjólað er upp á eða fram af gangstéttabrún (sem skal helst forðast). Ef höggið er mikið er alltaf hætta á að teinn brotni eða slanga springi.
• Best er að þrífa hjólið með rakri tusku og sápulegi. Vatnsþrýstingur er stranglega bannaður við þrif á mótor, rafbúnaði og gírnafi.
• Reglulegt viðhald og þrif er mjög mikilvægt.

Annað sem gott er að vita

• Við flutning á alltaf að taka rafhlöðuna úr hjólinu.
• Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
• Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
• Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn í sundur með slípirokki o.s.fr.