Premium i-MN7+

419,000 kr.

Premium i MN7 + er nýtt lúxus hjól í Premium línunni, þar sem rafhlaðan er innbyggð í framstellið. Hjólinu hefur verið afar vel tekið í hjólaverslunum í Hollandi, enda er það vandlega útbúið, stílhreint og mjög sterkbyggt – sem er reyndar einkenni QWIC hjólanna.

Categories: , ,

Description

Premium i-MN7+ er nýtt lúxus hjól í Premium línunni, þar sem rafhlaðan er innbyggð í framstellið. Auðvelt er að er að taka rafhlöðuna úr hjólinu, en sami lykill gengur að lás og rafhlöðu. Hjólinu hefur verið afar vel tekið í hjólaverslunum í Hollandi, enda er það vandlega útbúið, stílhreint og mjög sterkbyggt (e. stiff) – sem er reyndar einkenni QWIC hjólanna.

Kraftmikill og hljóðlátur Bafang M420 miðjumótor með QWIC hugbúnaði og mikinn togkraft 80 Nm.

LCD litaskjár með USB tengi til að hlaða síma o.fl.

Vandað handverk m.a. tvöfaldar suður og fínpússaðar. Frágangur á börkum og snúrum afar smekklegur.

Viðhaldslítið og notendavænt hjól:  7 innbyggðir gírar, Shimano glussa diskabremsur, ál aurbretti, lokuð keðjuhlíf, gott sæti með stillanlegum dempara, stillanlegur framdempari, stillanlegt stýri, ljósanemi sem kveikir sjálfkrafa á ljósum er rökkva tekur, LED fram- og afturljós o.m.fl.

417 Wh rafhlaða 21700 NCM Li-ion CAN-Bus með nýjustu BMS tækni (Battery Management System) – sama tækni og bílaiðnaðurinn notar. Einnig í boði 540 Wh.

Nú eru brekkurnar ekkert mál – bara gaman!

Premium i MN7+

RafhlaðaDrægniVerð á hjóli
417 Wh55 - 140 km419.000 kr.
540 Wh75 - 180 km459.000 kr.
  • Kraftmikill 250 W / 36V Bafang M420 miðjumótor með mikinn togkraft 80 Nm.
  • Rafhlaða: Innfelld í framstellið sem auðvelt er að taka úr. Sami lykill gengur að lás og rafhlöðu.
  • QWIC hugbúnaður – með kraft og þægindi að leiðarljósi.
  • Einfaldur og notendavænn LED litaskjár á stýri með: 5 þrepa kraftstilli, hraðamæli, rafhlöðumæli, klukku, ástandsyfirlit á rafhlöðu o.fl. Gönguhnappur þar sem mótor aðstoðar þegar hjólið er teymt.
  • Hleðslutími: 3 – 6 klst.
  • 7 gíra viðhaldsfrír Shimano Nexus gírskiptir, innbyggður í afturhjóli (engin utanáliggjandi tannhjól).
  • Bremsur: Shimano MT200 glussa diskabremsur að framan og aftan.
  • Framdempari: Suntour NEX – stillanlegur.
  • Sætisdempari – stillanlegur.
  • Stillanlegt stýri.
  • LED ljós að framan og aftan með rofa í skjá. Framljós Busch & Müller Upp 30 Lux.
  • Ljósanemi (stillanlegur) sem kveikir á ljósunum sjálfkrafa er rökkva tekur.
  • Bögglaberi með MIK hraðtengingakerfi fyrir körfu eða tösku og þrefaldri teygju fyrir vörur.
  • Lokuð keðjuhlíf, sem hlífir keðjunni að mestu fyrir óhreinindum.
  • Lás: ABUS – sami lykill gengur að rafhlöðu.
  • Leðurhandföng.
  • Stöðugur standari, bjalla o.fl.
  • Dekk: Blátt hjól: Schwalbe Energizer PLUS. Sandhvítt hjól: Schwalbe Road Cruiser Brownwall
  • Hjólastærð: 28 tommur.
  • Þyngd: 24.9 kg (án rafhlöðu).
  • Litur: Svart, blátt og sandhvítt.
  • Stærðir: Konuhjól:  S, M, L, XL  –  Karlahjól  L, XL.

 

Ábyrgð:
–  Hjólastell 5
–  Rafbúnaður 2 ár
–  Gaffall, dempari 1 ár

QWIC notar einungis nýjustu og bestu Litíum-ion rafhlöður sem finnast á markaðnum. Þær eru í flokki 18650 NCM Li-ion CAN-BUS og 21700 NCM Li-ion CAN-BUSsem eru útbúnar nýjustu BMS tækni (Battery Management System) – sama tækni og bílaiðnaðurinn notar.

 

Hvað dugar rafhlaðan lengi og hvað þarf ég að vita?

Það er eðli allra Litíum-ion rafhlaða að þær rýrna með tímanum, jafnvel þó þær séu ekki í notkun. Rafhlöðuframleiðendur gefa út, að rafhlaðan geti rýrnað allt að 15% á ári. Ef rafhlaðan fær góða meðhöndlun frá upphafi, verður rýrnunin minni. Ábyrgðartími rafhlöðunnar er 2 ár, að því gefnu að hún sé rétt meðhöndluð.

 

Rafhlaðan er dýrasti hlutinn á rafmagnshjólinu, því er afar brýnt að meðhöndla rafhlöðuna rétt frá upphafi, svo drægnin og líftíminn verði sem mestur.

  • Kjörhitastig Litíum-ion rafhlaðna er 25°C.
  • Þegar rafhlöðunni er stungið í hleðslu, þarf hitastigið í sjálfri rafhlöðunni, vera m.k. 10°C. Best ef hitastigið er sem næst stofuhita.
  • Ef rafhlaðan tæmist – verður að hlaða hana innan 8 klst. Annars verður hún fyrir óbætanlegum skaða.
  • Ef hjólið á að standa ónotað í nokkra mánuði, er best að aftengja rafhlöðuna frá hjólinu. Svo verður að stinga rafhlöðunni í hleðslu a.m.k. einu sinni í mánuði, yfir nótt. Burtséð þó rafhlöðumælirinn á hjólinu sýnir að rafhlaðan sé full. Það er afar brýnt að fylgja þessu eftir. Ábyrgðin fellur úr gildi ef ekki er hlaðið a.m.k. á 3ja mánaða fresti.
  • Til að ný rafhlaða nái hámarksgetu þarf hún í fyrstu 10 skiptin að vera fullhlaðin og ekki hlaðin aftur fyrr en hún er nánast fulltæmd. Eftir það, skal ekki hlaða rafhlöðuna of ört, helst ekki fyrr en hún er undir 50%. En ráðlagt er að láta hana fara neðar öðru hverju, í 15 – 30%.
  • Ekki láta rafhlöðuna standa lengur í hleðslutækinu en 48 klst. Eftir hleðslu, þarf að taka hleðslutækið úr sambandi úr veggtenglinum.

 

Hversu langt er hægt að hjóla á fullri rafhlöðu?

Ýmsir utanaðkomandi þættir skipta máli m.a.:

  • Uppgefnar drægnistölur frá framleiðanda, miðast við kjöraðstæður sem er: 70 kg hjólreiðamaður, 25°C hitastig, stöðugur 20 km hraði á jafnsléttu, enginn mótvindur og aldrei stoppað.
  • Í kulda er drægnin styttri. Við 0°C allt að 30% og við -10°C allt að 50% (hámarks viðmiðunar tölur). Ávallt skal taka vindkælingu með í útreikninginn ( 2°C lofthiti og 6 m/sek., er á við 9°C )
  • Þyngd hjólreiðamannsins og hlass.
  • Hversu mikið álag er sett á mótorinn. (Á Bafang mótornum er oftast nóg að hjóla á jafnsléttu á krafti 1– 3  – en í brekkum á krafti  4 og 5).
  • Veðurfar: vindur, hitastig, regn o.s.frv.
  • Gíra val, aksturslag og stöðugur hraði.
  • Gæði vegarins.
  • Réttur loftþrýstingur í dekki hefur mikið að segja. Við daglega notkun er best er að pumpa á ½ mánaða fresti.
  • Æskilegast er að geyma hjólið inni þegar það er ekki í notkun.
  • Reglulegt viðhald og þrif er mjög mikilvægt.

 

Er hægt að hjóla með tóma rafhlöðu?

Já, það er hægt eins og á venjulegu hjóli. Miðjumótor hefur örlítið viðnám, en fram- og afturmótor frá QWIC, nánast ekkert.

 

Annað sem gott er að vita.

  • Við flutning verður alltaf að taka rafhlöðuna úr hjólinu.
  • Forðist að „troða“ hjólinu inn í skott á bíl. Reynslan sýnir að oftast verður einhver skaði, s.s. á brettum, keðjuhlíf, ljósi o.fl.
  • Aldrei má setja hjólið í „hefðbundinn hjólastand“ (stundum kallað gjarðarbani). Hjólið er þungt og við hliðar högg getur gjörðin auðveldlega skemmst.
  • Leggið alltaf hjólinu þar sem hjólið er sýnilegt og fólk á ferli. Annars er hætta á að þjófarnir geti verið að dunda sér að sarga lásinn með slípirokki.